Malamposong napahigayon ang pagturn-over sa upat (4) ka managlahing proyekto dinhi sa siyudad kaganihang hapon nga gisugdan sa ala 1:00 sa hapon ilawom sa pagpanguna ni City Mayor Darel Dexter T. Uy.
Ang serye sa pagturn-over ang gisugdan didto sa Barangay Sinaman, pinaagi sa pagtugyan sa usa (1) ka unit nga Classroom sa Sinaman Integrated School (joint project sa City Government of Dipolog ug Chinese Chamber of Commerce) nga mobalor ngadto sa kapin sa usa  ka milyon ka pesos kansang pondo ang naga-gikan sa SEF/General Fund nga natapos niadtong Mayo 2, 2022.
Gawas niina, gihimo usab ang pagtugyan sa bag-ong natapos nga Concrete Drainage Canal subay sa Martinez Road, sa Martinez Village sa Barangay Turno sa gitas-n nga 557.30 linear meters nga mobalor sa kapin sa 3 ka milyon kansang pondo ang gikan sa 2021-20%Â Development Fund Small Infra Projects nga natapos usab niadtong Hunyo 28, ning tuiga.
Gitugyan usab ang bag-ong natapos nga Drop-In Center didto nahimutang sa Barangay Sta. Isabel gamit ang pondo nga 1 ka milyon gikan sa GAD nga natapos niadtong Hunyo 16; ug “Improvement of Children’s Playground and Construction of Planter’s Box (Use as Fence of Children’s Playground Rotary Park), nga nagbalor sa kinatibuk-ang dul-an sa 3 ka milyon ka pesos kansang pondo ang naga-gikan sa Gender and Development (GAD), nga natapos usab niadtong Mayo 31, 2022.
(Source: Dipolog City Government Facebook page)