Tulo ka magtapad nga balay ang hingpit nga nasunog sa insidente sa sunog sa Purok Buli (Bantay Dagat), Barangay Minaog, alas 4:45 sa hapon, Abril 12, 2026.
Sumala sa inisyal nga taho, nagsugod ang kalayo sa balay ni Randy Ramirez ug paspas kining mikatap tungod sa mga materyales nga kahoy ug yero.
Samtang, nalangan ang pagresponde sa mga bombero tungod sa kahagip-ot ug lisod sudlon nga dalan padulong sa lugar, hinungdan nga ang mga residente maoy unang nitabang sa pagpalong sa kalayo gamit ang balde ug tubig.
Bisan sa kakuyaw, nagpakita og panaghiusa ang komunidad sa pag-apula sa sunog ug pagluwas sa ilang mga gamit.
Sa pagkakaron, wala pa’y opisyal nga pahayag ang Bureau of Fire Protection sa Dipolog bahin sa hinungdan sa sunog ug gidak-on sa kadaot, samtang padayon pa ang imbestigasyon.(IKEN B. GULLEM)
Source: Zamboanga del Norte Provincial News Network