Paspas nga miresponde ang mga sakop sa Bureau of Fire Protection – Piñan sa usa ka vehicular accident nga nahitabo sa Barangay Segabe, kaniadtong Abril 12, 2026.
Ubos sa pagdumala ni SFO3 Elmar M. Pagente, Acting Municipal Fire Marshal, dali nga gi-secure sa EMS Shift A ang lugar ug gisunod ang Body Substance Isolation (BSI) protocols alang sa kaluwasan sa pasyente ug responders.
Nakit-an ang biktima nga naglingkod sa yuta ug giatiman sa iyang mga kabanay human sa insidente. Gidayon siyang gitabangan ug gisulod sa ambulansya alang sa paspas nga assessment.
Sa gihimong rapid trauma assessment, nasuta ang hubag ug contusion sa glabella ug sa wala nga bahin sa agtang. Gilapatan dayon siya og first aid pinaagi sa ice pack aron maminusan ang hubag.
Pagkahuman sa paspas nga pag-atiman, ang pasyente gi-transport sa Piñan District Hospital ug hapsay nga gi-turnover ngadto sa emergency room staff alang sa dugang nga pag-atiman ug eksaminasyon.(IKEN B. GULLEM)
Source: BFP R9 Piñan Fire Station