Suma total tulo (3) ka mud crabs o alimango ang malampusong gibuhian sa Dapitan River isip kabahin sa ikaduhang hugna sa programa sa LGU Dapitan City alang sa pagpanalipod ug pagpalambo sa yamang-tubig ug lokal nga ekosistema.
Ang pagbuhi sa tulo ka alimango gipahigayon ubos sa pagdumala sa City Agriculturist nga si Cyril Patangan. Gipasabot nga bisan gamay ang gidaghanon, dako ang gilauman nga kontribusyon niini sa pagpadaghan sa populasyon sa alimango ug sa pagmintinar sa natural nga balanse sa suba.
Kini nga kalihokan kabahin sa sustainable fisheries management nga programa sa dakbayan, nga nagtinguha sa dugayng-panahon nga pagpreserba sa kinaiyahan ug sa pagpalig-on sa panginabuhian sa mga mangingisda.
Samtang, padayon ang LGU Dapitan City, ubos sa pagpangulo ni Mayor Evelyn “Belen” T. Uy, sa pagpatuman sa mga inisyatibo nga nagatutok sa pag-atiman sa kalikupan ug sa hapsay nga pagdumala sa natural nga bahandi sa dakbayan.(IKEN B. GULLEM)
SOURCE: CITY GOVERNMENT OF DAPITAN