Gilusad ang tulo ka adlaw nga Seminar-Workshop on Communication Planning for Health and Development na gipahigayon didto sa Mibang Hotel, ning syudad sa Dipolog, niadtong Agosto 28, 2025, nga gipangulohan sa Philippine Information Agency (PIA) Region 9.
Ang maong orientation ug capacity-building activity gilaraw alang sa mga Information Officers ug Health Education and Promotion Officers (HEPOs) sa Zamboanga del Norte aron mapalambo ang ilang kahanas sa paghimo og epektibong health ug development communication strategies.
Mitambong sa pagbukas sa kalihokan sila si Ms. Rosemarie Miranda nga misumiter og mensahe sa ngalan ni Gobernador Hon. Darel Dexter T. Uy, si PIA 9 Deputy Regional Head, Mr. Emmanuel Taghoy, si Health Program Officer II, Mr. Mark Dominique P. Badiang, ug si PIA 9 Information Officer I, Ms. Pamela Fumero, diin matag-usa kanila nagtanyag og mensahe ug leksyon sa mga partisipante. Ang seminar-workshop magpadayon hangtod sa Agosto 30, 2025.(Jumalisa Papa)
Source: Dipolog City Government