Malampusong napahigayon ang Provincial Anti-Drug Abuse Council (PADAC) ug Barangay Anti-Drug Abuse Council (BADAC) visitation, nga gisundan sa Focus Group Discussion ug Meet and Greet sa mga barangay officials nga gipahigayon sa Katipunan Municipal Gymnasium, Barangay Uno, Katipunan, Zamboanga del Norte niadtong Agosto 28, 2025.
Ang maong kalihokan gipangulohan ni PCOL Jimmy M. Laguyo, Provincial Director ug Vice Chairperson sa PADAC, ug gipasiugdahan sa Katipunan Municipal Police Station ubos sa liderato ni PCPT Rommel John B. Sabas, Officer-In-Charge. Aktibong misuporta usab ang Lokal nga Pangagamhanan sa Katipunan, nga gipangulohan ni Hon. Jose Michael Meiko A. Wong, Municipal Mayor.
Lakip sa mga mitambong ang pakigtambayayong nila ni Pastor Jerry Sumile–Faith-Based Volunteer, Engr. Richsen Alistado–MLGOO Katipunan, Dr. Peter Stephen Samonte–Municipal Health Officer, Sergeant Clark Jake Junsay gikan sa 97th IB, Intelligence Agent Ritchie Sorronda–Assistant Provincial Officer, ZNPDEA, Dr. Benedicto S. Tomales–District Supervisor, Katipunan II District, ug Celsa Ferras–District Supervisor, Katipunan I District.
Ang diskusyon mitutok sa BADAC functionality, kampanya kontra illegal nga droga, ug kontra kriminalidad, nga gitambongan usab sa nagkadaiyang Barangay Chairpersons ug Barangay Secretaries sa lungsod.
Gipakita sa kalihokan ang padayong kooperasyon tali sa gobyerno ug komunidad aron mapalig-on ang kampanya kontra droga ug kriminalidad.(Jumalisa Papa)
Source: Katipunan MPS