Nasikop ang giingong tigduso og ilegal nga drugas sa hiniusang drug buy bust operation nga gipahigayon sa Zamboanga del Norte Provincial Drug Enforcement Unit kon ZNPDEU pinangulohan ni PCapt Leo Fernandez Suan, Chief Intelligence, Dipolog City Special Drug Enforcement Team ug sa koordinasyon sa PDEA mga alas 12:25 sa udto, Mayo 26, 2023 sa South Proper, Barangay Galas, dakbayan sa Dipolog.
Giila ang gidakop nga si John Martinit Jumawan, 48 anyos, residente sa Relocation Site, Barangay Olingan, dakbayan sa Dipolog.
Nakuha gikan sa posisyon ug kontrol ni John ang duha ka gagmay nga pakete sa gituohang shabu, duha ka gagmay nga pakete sa shabu nga gipalit sa poseur buyer gikan kang John isip buy bust evidence, P1,000.00 peso bill nga nagsilbing bust money, usa ka brown nga pouch nga nagsilbing sudlanan sa shabu, cellphone ug motorsiklo.
Gidala si John sa Provincial Crime Laboratory Office alang sa drug testing lakip na ang mga nakumpiska nga drug items alang sa chemical examination.
Samtang ang dinakpan anaa na sa kustodiya sa Dipolog City Police Station samtang nagpaabot sa tukmang kaso nga ipasaka batok kaniya sa korte. (Rosevelt Mondinido)