Dili mo-ubos sa 20 kapin ka mga armadong tawo ang naka-engkwentro sa tropa sa gobyerno didto sa Barangay Doña Cecelia sa lungsod sa Sirawai, Zamboanga del Norte, kagahapon sa buntag.
Basi sa nahipos nga report gikan sa provicial PNP command ilawom sa pagpangulo ni PCol. Glenn M. Dulawan, Provincial Commander sa PNP, nasayran nga samtang naghimo ug law enforcement operation (pursuit operation) ang tropa sa militar ug pulisya didto sa nasangpit nga lugar, ilang nakabagat ang unom ka mga armadong tawo nga giilang mga sakop sa Lumarang Criminal Group.
Tungod sa panag-engkwentro gikataho nga adunay reinforcement ang nasangpit nga mga armadong tawo sa di mo-ubos sa 20 nila ka mga kauban.
Hinoon ang tropa sa gobyerno daling nakaposte ngadto sa mas bintaha nga posisyon.
Niabot ug usa ka oras ang sinukliay ug tingga sa masig kahabig.
Ang mga armado gikataho nga mingsibat ngadto sa wala matinong direksyon.
Samtang wala ray casualty nga natala sa tropa sa gobyerno ug padayon pang gisuta kung aduna bay samaron o namatay sa grupo sa mga armadong tawo.
(Source: Dipolog Balita Express Facebook page)