Mas sayon na karon alang sa mga residente ug negosyante sa Siayan, Zamboanga del Norte ang pagkuha og permit human masulayan sa Local Government Unit ang eLGU Version 2, usa ka digital system nga nagpalapsad sa mga proseso sa lokal nga panggobyerno.
Matud ni Designated BPLO Janjim M. Lipapac, tungod sa aktibo nga online payment pinaagi sa eGovPay, wala na’y panginahanglan nga molinya pa o mobiyahe padulong sa munisipyo. Ang bag-ong sistema nakatabang sa pagpakunhod sa oras sa transaksyon ug nakapaayo sa serbisyo sa katawhan.
Ang LGU Siayan nagpahayag sa ilang pasalamat sa DICT Region IX–BASULTA tungod sa early access sa eLGU Version 2, nga naghatag og oportunidad sa munisipyo nga masayong matun-an ug magamit ang mas modernong paagi sa pagserbisyo.
Lakip sa eLGU Version 2 ang mga modules sama sa BPLS, eCedula, eNews, ug eLCR, nga gitumong usab sa pagpalig-on sa transparency ug paghatag og mas paspas ug episyenteng serbisyo sa mga LGU.(IKEN B. GULLEM)
Source: DICT IX BASULTA