Gisugdan na ang pagtukod sa fishpond sa Barangay Kauswagan, Sergio Osmeña, Zamboanga del Norte, isip kabahin sa Quick Impact Project (QIP) Livelihood Program nga gipatuman sa 1st Zamboanga del Norte Provincial Mobile Force Company (1st ZNPMFC) ubos sa pagpanguna ni PLTCOL Ryan Jay R. Capurcos, Force Commander, pinaagi sa Revitalized Pulis Sa Barangay (R-PSB) nga gipangulohan ni PSSg Kim A. Sayon.
Ang maong proyekto nagtumong sa paghatag og malungtarong panginabuhian, pagpalig-on sa food security, ug pagpausbaw sa kapasidad sa komunidad pinaagi sa produktibo ug income-generating nga kalihokan.
Nagpakita usab kini sa lig-on nga panaghiusa ug kooperasyon tali sa PNP ug sa katawhan alang sa kalamboan ug kalinaw.
Pinaagi sa maong inisyatiba, gipamatud-an sa PNP nga ang ilang serbisyo dili lang kutob sa peace and order, kundili usab sa kaayohan ug kauswagan sa komunidad.(IKEN B. GULLEM)
Source: Zamboanga del Norte Provincial News Network