Gipahibalo ang temporaryong traffic flow arrangement alang sa Float Parade ug Street Dancing Competition nga ipahigayon karong Septyembre 12, 2026 alas 8:00 sa buntag sa Rizal, Zamboanga del Norte.
Magsugod ang parada sa assembly area sa NFUELS, Barangay North Mapang, ug mosubay ngadto sa Negosyo Center isip unang performance area, dayon sa Rizal Town Square isip ikaduhang performance area, hangtod sa Municipal Grounds.
Duha ka lane ang igahin alang sa parade route aron masiguro ang hapsay nga paglihok sa mga floats, street dancing participants ug ubang partisipante. Sa Municipal Grounds, ang Entrance 1 igahin alang sa mga manan-aw, samtang ang Entrance 2 eksklusibo lamang sa floats, parade ug street dancing participants, ug authorized parade attendees.
Gihangyo ang publiko nga mosunod sa mga traffic personnel, posted traffic signs ug designated routes aron malikayan ang paghuot sa dalan ug mapadayon ang luwas ug hapsay nga dagan sa kalihokan.(JENIFFER JR. DELICA)
Source: Municipality of Rizal