Gipahigayon sa BFP Katipunan Municipal Fire Station ang 911 Roadshow ug Fire Square Challenge sa Barangay San Antonio, Katipunan, Zamboanga del Norte ubos sa pagpanguna ni FINSP Richard A. Parame, Acting Municipal Fire Marshal.
Gipunting sa kalihokan ang pag-edukar sa komunidad, ilabi na sa mga bata, bahin sa fire prevention, emergency preparedness ug basic firefighting skills aron mas maandam sila sa posibleng emerhensiya.
Gihatagan ang mga partisipante og hands-on nga pagkat-on pinaagi sa mga demonstrasyon, interactive discussions ug familiarization sa mga firefighting equipment. Gipasiugda usab ang hustong paagi sa pagresponde panahon sa emerhensiya ug pagpangayo og tabang pinaagi sa 911 emergency hotline.
Gipasalamatan sa BFP Katipunan MFS ang Barangay San Antonio community, mga ginikanan, mga bata ug tanang partner ug partisipante sa ilang aktibong suporta sa kalihokan nga nagtumong sa pagpalig-on sa kahibalo ug kahandam batok sa sunog ug uban pang emerhensiya.(JENIFFER JR. DELICA)
Source: BFP RIX CRS Katipunan