Wa na maka iskapo sa kamot sa mga tinugyanan sa balaod ang nabantog nga Top 9 Most Wanted Person (MWP) sa malampusong law enforcement operasyon nga gipatuman sa Tracker team sa Gutalac Municipal Police Station, didto sa Purok 3, Barangay Canuto Enerio, Gutalac, Zamboanga del Norte, niadtong Agusto 1,2025.
Ang nasikop nga suspek nga usa ka lalaki nailhang usa sa pinangita sa balaod nga Top 9 MWP Municipal Level, kinsa gidakop pinaagi sa e-warrant pinaagi sa Warrant of LASCIVIOUS CONDUCT UNDER SEC 5 (B) OF RA NO. 7610 nga naka-docket sa Criminal Case No. L-005265 nga giisyu sa Regional Trial Court, 9th Judicial Region, Branch 28, Liloy Zamboanga del Norte nga pinetsahan og Hulyo 22, 2025 ug adunay piyansa nga girekomendar nga mobalor sa P80,000.00.
Kining malampuson nga operasyon usa ka timaan nga nagpasiugda sa pasalig sa mga tigpatuman sa balaod sa pagpanubag sa mga sad-an ug pagsiguro sa kaluwasan sa komunidad.(Medalyn U. Borja)
Source: Gutalac Municipal Police Station ZNPPO