Balhog karon sa prisohan homan masikop ang usa ka Top 6 Most Wanted Person (City Level) pinaagi sa kusog nga presensya sa kapulisan mga alas 8:10 ang takna sa buntag niadtong Disyembre 21, 2025, didto sa Barangay Sta. Isabel, Dipolog City, Zamboanga del Norte.
Ang maong dinakpan nga wanted person naila nga si alyas ” Nami” 44 anyos, babaye, vendor, ug residente sa Purok Bayabas, Barangay Bethlehem, Polanco, Zamboanga del Norte kinsa nalutsan sa warrant of arrest alang sa kasong upat ka ihap sa paglapas sa Republic Act No. 7610, ilabi na sa Child Prostitution ubos sa Section 5(A) nga gi-isyu ni Hon. Nestor Rabulan Angeles, Presiding Judge sa Family Court, 9th Judicial Region, Branch 3, Dipolog City, gipetsahan Disyembre 02, 2025, nga adunay girekomendar nga piyansa nga mobalor sa Php 200,000.
Ang pag serve sa warrant gihimo pinaagi sa mga personahe sa Dipolog City Police Station (CPS) , pinangunahan sa Warrant/Subpoena PNCO.
Ang dinakpan nga wanted person anaa karon sa kustodiya sa Dipolog City Police Station alang sa hustong dokumentasyon ug dugang legal nga disposisyon.(MEDALYN U. BORJA)
Source: ZNPPO