Wala na maka iskapo sa kamot sa mga tinugyanan sa balaod homan masikop ang nailhang Top 6 Most Wanted Person nga nag atubang sa kasong Qualified Human Trafficking alas 11:20 sa buntag niadtong Disyembre 3, 2025, didto sa Purok Farmers, Barangay Olingan, Dipolog City, Zamboanga del Norte.
Giila ang dinakpan nga wanted person nga si alyas “Nami” 44 anyos, babaye, vendor, ug residente sa Purok Bayabas, Barangay Bethlehem, Polanco, Zamboanga del Norte kinsa gisikop pinaagi sa operasyon nga gihimo sa mga personahe sa Dipolog City Police Station (CPS) sa bisa sa warrant of arrest alang sa upat ka ihap sa “Qualified Trafficking in Persons (Republic Act 9208, nga gi amendar sa RA 10364), ubos sa Section 4(E) in relation to Section 6(A)”, docketed ubos sa Criminal Case Nos. 28392, 28393, 28393, nga gi-isyu sa Family Court, 9th Judicial Region, Branch 3, Dipolog City, pinetsahan og Disyembre 2, 2025 nga walay piyansa nga girekomendar alang sa maong kalapasan.
Ang suspek gipahibalo sa hinungdan sa iyang pagdakop ug iyang katungod sa konstitusyon sa usa ka diyalekto nga hingpit niyang nasabtan ug anaa na kini karon sa kustodiya sa Dipolog City Police Station alang sa tukmang dokumentasyon ug dugang legal nga disposisyon.(MEDALYN U. BORJA)
Source: ZNPPO