Balhog na karon sa prisohan ang usa ka Top 5 Most Wanted person (Municipal Level) nga nag atubang sa kasong Attempted Murder,atol sa gipatuman nga Law Enforcement Operation niadtong Agosto 11,2026, didto sa La Libertad, Zamboanga del Norte.
Ang maong dinakpan nga wanted person naila nga usa ka 62 anyos nga lalaki,kinsa gidakop pinaagi sa mga personahe sa La Libertad MPS tungod sa kasong Attempted Murder (RPC Art 248) nga gi-docket ubos sa Criminal Case No 28992, nga gi-isyu ni Presiding Judge Cherry Joy Carloto Concha Ageas, Branch 10, 9th Judicial Region Dipolog City, Zamboanga Del Norte nga gipetsahan Agosto 4, 2026.
Kining malampusong operasyon nagpakita sa walay hunong nga dedikasyon sa atong mga personahe aron mapanalipdan ang atong komunidad.(MEDALYN U. BORJA)
Source: PNP La Libertad Municipal Police Station, ZNPPO