Sikop sa kasong Statutory rape ang usa ka Top 4 most wanted sa probinsya sa Zamboanga del Norte. Ang dinakpan c Alyas Boy,20 anyos, walay trabaho, lumulopyo sa Purok Durian, Hilltop Dapitan City, kinsa nasikop didto sa Purok Parpagayo, Barangay Ilaya Dapitan City,Zamboanga del Norte, sa may alas 10:50 sa buntag, Mayo 14, 2025.
Ang pagkasikop pinasikad sa warrant of arrest nga gi isyu sa sala ni Hon. Floredo Bolante Opay, Presiding Judge Branch 4, Family Court 9th Judicial Region Dapitan City, pinetsahan Mayo 13, 2025.
Ang maong kaso nga nahisgutan sa unahan wala kiniy girekomindar nga pyansa ang korte batok sa maong suspetsado. Ang operasyon pinanguluhan sa Dapitan City PNP inubanan sa koordinasyon sa Mabuhay SBC 5th SOU,901st MC RMFB.
Sa pagkakaron ang dinakpan ang naa na sa kostudiya sa Dapitan Pnp ug mag atubang sa kasong ipahamtang batok kaniya.(Angelica T. Obina)
Source: ZNPP