Dakpan sa mga personahe sa kapulisan ang usa ka Top 3 Most Wanted Person Provincial Level sa kasong Rape atol sa gikasa nga joint intelligence-driven operation sa kapulisan mga alas 2:05 ang takna sa hapon niadtong Disyembre 6, 2025,didto sa Sitio Kalawit, Barangay Tinaplan, Sindangan, Zamboanga del Norte.
Ang maong dinakpan nga wanted person naila nga si alyas “Jerry”30 anyos nga lalaki, ulitawo, mag-uuma ug residente sa Barangay Talinga, Sindangan, Zamboanga del Norte, kinsa gidakop tungod sa kasong 3 Counts of Rape in relation to RA 7610.
Ang pagdakop gihimo pinaagi sa mga personahe sa 1st ZNPMFC isip lead unit, sa koordinasyon sa Sindangan Municipal Police Station, ZDNPIT RIU9, ug ZNPIU, atol sa pagpahigayon sa 3 Days Minor Internal Security Operation (ISO) pinaagi sa warrant of arrest nga gi-isyu sa Regional Trial Court, Family Court, Branch 05, Ninth Judicial Region, Sindangan, Zamboanga del Norte, ubos sa Criminal Case Nos. S-5370, S-5371, ug S-5372, nga gipetsahan Enero 15, 2025, nga walay girekomendar nga piyansa.
Ang suspek gidala sa Sindangan District Hospital alang sa medical examination ug gitugyan gilayon sa Sindangan MPS alang sa hustong disposisyon ug legal nga proseso.(MEDALYN U. BORJA)
Source: ZNPPO