Sikop ang usa ka Top 2 Most Wanted Person (City Level) nga nag atubang sa kasong Qualified Statutory Rape atol sa gipatuman nga operasyon sa mga tinugyanan sa balaod mga alas 7:52 sa gabii niadtong Enero 6, 2026, didto sa Purok-6, Barangay Cabcabon, Butuan City.
Naila ang dinakpan nga wanted person nga si alyas “Jay”, 21 anyos, kinsa nalutsan sa warrant of arrest alang sa duha ka ihap sa Qualified Statutory Rape ubos sa Article 266-A (1) nga may kalabotan sa Article 266-B (1) sa Republic Act No. 8353 nga gi-isyu sa Family Court, Ninth Judicial Region, Branch 3, Dipolog City, ubos sa Criminal Case Nos. 28492 ug 28493, nga gipetsahan Disyembre 17, 2025, nga walay girekomendar nga piyansa.
Ang suspek gibutang sa kustodiya sa Butuan City Police Station 4 ug dad-on sa Dipolog City Police Station alang sa hustong disposisyon ug dugang nga mga proseso sa korte.(MEDALYN U. BORJA)
Source: ZNPPO