Nagpahigayon ang Task Force Alambre sa ilang cable clearing operation sa Barangay Sta. Filomena, Dipolog City niadtong Biyernes, Enero 9, 2026, ubos sa pagpanguna sa Office of the Building Official.
Gisakupan sa operasyon ang Father Patangan Road, ilabina ang dalan paingon sa Dipolog Medical Center gikan sa Chevy Center area. Gisugdan ang clearing gikan sa National Highway duol sa Chevy Center hangtod sa tumoy sa Herrera Street, tapad sa COYA Repair Shop.
Tumong sa padayon nga cable clearing initiative ang pagtangtang sa nagbitay ug wala nay gamit nga mga cable aron masiguro ang kaluwasan sa publiko, mapahapsay ang agianan sa karsada, ug mapaayo ang kinatibuk-ang kahimtangan ug dagway sa lugar.(JENIFFER JR. DELICA)
Source: Dipolog City Government