Wala na maka iskapo sa kamot sa mga tinugyanan sa balaod homan masikop ang usa ka Top 2 Municipal Mos Wanted person mga alas 11:40 ang takna sa buntag niiadtong Septiyembre 13, 2026, didto sa Sitio Sibayog, Barangay Singatong, Katipunan, Zamboanga del Norte.
Naila ang dinakpan nga usa ka 42-anyos nga lalaki, wanted person,niranggo isip Top 2 Most Wanted Person sa Municipal Level,kinsa gidakop pinaagi sa pag serbisyo sa warrant of arrest sa mga personahe sa Katipunan MPS Tracker Team pinaagi sa e-Warrant of Arrest alang sa tulo (3) ka ihap sa paglapas sa Section 5(h) sa Republic Act No. 9262, o ang Anti-Violence Against Women and Their Children Act of 2004, nga gi-isyu sa Regional Trial Court, Branch 3, Ninth Judicial Region, Dipolog City, Zamboanga del Norte, niadtong Septyembre 9, 2026 nga adunay kinatibuk-ang piyansa nga PHP 216,000.00, alang sa temporaryong kagawasan.
Ang dinakpan nga wanted person gipahibalo sa iyang mga katungod sa konstitusyon ug gidala sa Rural Health Unit (RHU) sa Katipunan alang sa medikal nga eksaminasyon ug anaa na kini karon sa kustodiya sa Katipunan MPS alang sa hustong disposisyon.(MEDALYN U. BORJA)
Source: ZNPPO