DAVAO CITY — Nasakmit sa mga otoridad ang gibanabanang ₱510,000 nga kantidad sa gituohang shabu atol sa operasyon sa usa ka fixed checkpoint sa Licanan, Barangay Lasang, Davao City.
Nadakpan usab ang mga suspek atol sa hiniusang operasyon sa Davao City Police Office (DCPO) Police Station 6-Bunawan ug Task Force Davao.
Gipahigayon ang operasyon isip kabahin sa padayong kampanya sa kapulisan batok sa illegal nga droga ug uban pang kalihokan nga mahimong hulga sa seguridad sa komunidad.
Gipahinumdoman sa mga otoridad ang publiko nga magmatngon ug motaho dayon kung adunay namatikdang kahina-hinalang kalihokan nga may kalabotan sa illegal nga droga.
Giawhag usab ang mga residente nga makigtambayayong sa kapulisan aron mapalig-on ang kampanya batok sa ilegal nga droga sa siyudad.(Camille Santos Naraga)(Source: DCPO)