Malampusong nasikop sa mga sakop sa Sindangan Municipal Police Station,sa gihimong law enforcement operation,ang usa ka Top 2 Most Wanted Person Municipal Level,mga alas 3:20 ang takna sa kahapunon, Agusto 10,2025 didto sa Barangay Goleo, Sindangan, Zamboanga del Norte.
Naila ang dinakpan nga si wanted person nga si alyas “Renz” 50 anyos, minyo, mag-uuma, ug residente sa Barangay Lagag, Sindangan, Zamboanga del Norte kinsa gipangita ug gisikop tungod sa Warrant of Arrest alang sa kaso nga Rape and Forcible Abduction with Rape, nga gi-isyu ni Hon. Mundlyn Geonzon Misal-Martin, Presiding Judge sa Family Court, 9th Judicial Region, Branch 05, Sindangan, ZDN pinetsahan og Hulyo 23, 2025,nga walay piyansa nga girekomendar.
Gidala gilayon ang suspek sa Sindangan District Hospital alang sa gikinahanglang physical ug medical examination ug karon gipaubos sa kustodiya sa Sindangan MPS alang sa tukmang disposasyon.(Medalyn U. Borja)
Source: ZNPPO