Na-aresto sa gikasa nga joint law enforcement operation sa mga personahe sa kapulisan ang usa ka notadong Regional Most Wanted nga mag-uuma, mga alas 5:35 sa kahapunon, Agusto 10,2025 didto sa Barangay Moñuz, Siayan, Zamboanga del Norte.
Ang maong suspek naila nga si alyas “Rod” , 58 anyos, minyo, mag-uuma, notadong Regional Most Wanted Person ug residente sa Purok 8, Barangay Picanan, Kumalarang, Zamboanga del Sur.
Nasikop kini pinaagi sa warrant of Arrest alang sa Rape by Carnal Knowledge ubos sa Article 266-A(1) in relation to Article 266-B of the Revised Penal Code, and Lascivious Conduct ubos sa Section 5(b) sa R.A. 7610 lima ka ihap, gi-docket ubos sa Criminal Case Nos. 15654-2K21 hangtod 15659-2K21.
Ang warrant giisyu ni Presiding Judge Jaime B. Caberte sa Regional Trial Court, Fourth Judicial Region, Branch 22, Pagadian City, pinetsahan og Hulyo 15, 2021, nga walay piyansa nga girekomendar.
Gipahibalo gilayon ang suspek sa hinungdan sa iyang pagdakop ug katungod sa konstitusyon ug ana-a na kini karon sa kustodiya sa Siayan MPS alang sa tukmang disposisyon.(Medalyn U. Borja)
Source: ZNPPO