Wala na maka iskapo sa kamot sa mga tinugyanan sa balaod homan masikop ang usa ka Top 2 Most Wanted person municipal level atol sa gipatoman nga joint intelligence driven operation niadtong Mayo 5, 2026, didto sa Purok 1, Barangay Marapong, Sergio Osmeña, Zamboanga del Norte.
Naila ang dinakpan nga wanted person nga si alyas “Cris” 47 anyos ,Lalaki ug residente sa nahisgutang lugar, kinsa gidakop pinaagi sa mga personahe sa Sergio Osmeña Municipal Police Station (lead unit), uban sa koordinasyon sa mga personahe sa 901st MC RMFB9, 1st PMFC, ug 97th Infantry Battalion, Bravo Company, Philippine Army, pinasikad sa Warrants of Arrest tungod sa paglapas sa Republic Act No. 9262 alang sa upat ka ihap sa paglapas sa Section 5(i) sa Republic Act No. 9262 nga gi-isyu ni Hon. Nestor Rabulan Angeles, Presiding Judge, Family Court, Ninth Judicial Region, Branch 3, Dipolog City, nga adunay girekomendar nga piyansa nga Php72,000.00 alang sa temporaryong kagawasan.
Ang suspek gipahibalo sa hinungdan sa iyang pag-aresto ug mga katungod konstitusyon sa usa ka pinulongan nga iyang nasabtan ug anaa na kini karon sa kustodiya sa Sergio Osmeña MPS alang sa hustong disposisyon ug dokumentasyon.(MEDALYN U. BORJA)
Source: ZNPPO