Arestado ang usa ka 46 anyos nga security guard nga wanted sa kasong paglapas sa RA 9262,atol sa gipatoman nga manhunt sa mga personahe sa kapulisan mga alas 10:30 ang takna sa buntag niadtong Mayo 5, 2026, didto sa Brgy. Dawo, Dapitan City, Zamboanga del Norte.
Ang maong dinakpan naila nga si alyas “Edgar” 46 anyos, minyo, usa ka security guard, nailhan nga wanted person ug residente sa Phase 1, Ciudad Real, San Jose del Monte, Bulacan, Central Luzon, kinsa gidakop pinaagi sa mga personahe sa Dapitan City Police Station sa bisa sa Warrant of Arrest tungod sa paglapas sa Section 5(i) ug Section 5(e) sa Republic Act No. 9262 nga gi-isyu ni Hon. Florendo Bolante Opay, Presiding Judge sa Family Court, 9th Judicial Region, Branch 4, Dapitan City, Zamboanga del Norte, gipetsahan Abril 27, 2026, nga adunay girekomendar nga piyansa nga PhP10,000.00 alang sa temporaryong kagawasan.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka diyalekto nga hingpit niyang nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO