Bugnaw nga prisohan ang gipadulngan karon sa usa ka 39 anyos nga Street Level Individual homan masapon sa mga personahe sa kapulisan atol sa gikasa nga drug buy-bust operation mga alas 12:30 ang takna sa kaudtuhon niadtong Mayo 5, 2026, didto sa Brgy. Sta. Maria, Siocon,Zamboanga del Norte.
Ang nadakpan nga suspek giila nga usa ka 39 anyos nga lalaki, ulitawo, mangingisda, nalista isip usa ka SLI ug giila nga usa ka pusher/user, ug residente sa Sitio Busikong, Brgy. Sta. Maria, Siocon, Zamboanga del Norte.
Ang pagdakop sa suspek gihimo pinaagi sa mga personahe sa Station Drug Enforcement Team (SDET) sa Siocon MPS, uban sa koordinasyon sa mga personahe sa 2nd ZNPMFC ug Philippine Drug Enforcement Agency Regional Office 9, tungod sa paglapas sa Republic Act No. 9165.
Atol sa operasyon nakumpiska gikan sa suspek ang nagkadaiyang heat-sealed transparent plastic sachet nga adunay sulod sa gituohang shabu nga mutimbang sa 2.5 grams nga adunay gibana-bana nga kantidad nga P17,000 ka pesos uban sa mga butang nga dili druga.
Ang dinakpan gipahibalo sa iyang mga katungod sa konstitusyon ug anaa na kini karon sa kustodiya sa Siocon MPS alang sa hustong disposisyon.
Samtang ang mga nakumpiskang droga itugyan ngadto sa Zamboanga del Norte Forensic Unit, Liloy Satellite Office, alang sa laboratory examination.(MEDALYN U. BORJA)
Source: ZNPPO