Dakpan ang usa ka Top 10 Most Wanted person ug Top 2 Most Wanted person Municipal Level atol sa gikasa nga joint operation niadtong Hulyo 10, 2026, mga alas 7:55 sa buntag, didto sa Barangay Gunyan, Siayan, Zamboanga del Norte.
Naila ang maong dinakpan nga wanted person nga si alyas “Junior” 63 anyos, lalaki ug residente sa nasangpit nga Barangay kinsa gidakop pinaagi sa mga personahe sa Provincial Intelligence Unit (PIU), Zamboanga del Norte Police Provincial Office (ZNPPO), nga nagsilbing lead unit, uban sa mga personahe sa Siayan Municipal Police Station (MPS), ZNPIT RIU9, 1st Zamboanga del Norte Provincial Mobile Force Company (1st ZNPMFC), ug 901st Regional Mobile Force Battalion 9 (901st RMFB9), sa bisa sa Warrant of Arrest alang sa kasong Rape ubos sa Article 266-A(2) sa Revised Penal Code, nga gi-amyenda, nga gi-docket ubos sa Criminal Case No. S-7281-26, nga gi-isyu sa Family Court, Branch 5, Sindangan, Zamboanga del Norte, niadtong Hulyo 6, 2026, nga adunay girekomendar nga piyansa nga P80,000.00.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa pinulongan nga iyang hingpit nga nasabtan.
Pagkahuman, gipailalom sa medikal nga eksaminasyon ug karon temporaryong gibuhian tungod sa girekomendar nga piyansa subay sa mando sa korte.(MEDALYN U. BORJA)
Source: ZNPPO