Malampusong nasikop ug nakumpiskahan sa kapulisan ug balor sa kapin P20,000 nga kantidad sa ilegal na drugas ang usa ka drug suspek atol sa gipatoman nga buy bust operation, niadtong Hulyo 11,2026 didto sa Brgy. Poblacion, Salug, Zamboanga del Norte.
Ang maong dinakpan kinsa nasikop ug nakumpiskahan sa kapulisan ug mutimbang sa gibana-bana nga 3 gramos sa gituohang shabu nga adunay gibanabanang kantidad nga Php 20,400.00.
Ang pagkadakop sa suspek ug pagkakumpiska sa ilegal nga drugas gihimo pinaagi sa mga personahe sa Salug MPS, ZNPDEU ug 901st RMFB9.
Kining malampusong operasyon nagpakita sa lig-on nga dedikasyon sa atong mga personahe sa pakigbatok sa ilegal nga droga ug sa ilang padayon nga paningkamot aron mapanalipdan ang komunidad.(MEDALYN U. BORJA)
Source: Salug Municipal Police Station