Tingkagol karon sa prisohan ang usa ka alyas “Robinhood” homan kini makumpiskahan sa kapulisan ug mobalor sa kapin P40,000 nga kantidad sa ilegal nga drugas atol sa gikasa nga buy-bust operation mga alas 9:14 sa kagabhion niadtong Hulyo 10, 2026,didto sa Purok Duranta Uno, Barangay Gulayon, Dipolog City.
Ang maong dinakpan nailhan nga usa ka 32 anyos , lalaki, ulitawo, walay trabaho, ug residente sa Purok Tonggo, Barangay Minaog, ning dakbayan sa Dipolog,kinsa nakumpiskahan sa kapulisan ug pinakete sa gituohan shabu nga mutimbang sa 6 ka gramo, nga adunay PDEA Standard Drug Price (SDP) nga PHP 40,800.00,uban sa mga butang nga dili druga.
Ang pagkadakop sa suspek ug pagkakumpiska sa ilegal na drugas gihimo pinaagi sa mga personahe sa Dipolog CPS (SDET) sa pakig-alayon sa PDEA 9.
‎Ang mga nakumpiskar nga ilegal nga droga itugyan ngadto sa ZDN Provincial Forensic Unit alang sa eksaminasyon.
Samtang ang dinakpan nga suspek anaa karon sa protective custody sa Dipolog CPS alang sa tukmang disposisyon.(MEDALYN U. BORJA)
Source: COP, Dipolog CPS