Wala na maka ikyas sa kamot sa mga tinugyanan sa balaod homan masikop ang usa ka Top 10 Most Wanted Person (Municipal Level) sa gihimo nga joint intelligence-driven operation mga alas 12:30 ang takna sa kaudtohon, Nobyembre 3,2025,didto sa Barangay Doña Josefa, Sindangan, Zamboanga del Norte.
Ang maong wanted person naila nga si alyas Dodoy”, 45 anyos, lalaki, minyo, construction worker, ug residente sa susamang Barangay kinsa gidakop pinaagi sa mga personahe sa 1st Provincial Mobile Force Company (lead unit) kauban ang Sindangan Municipal Police Station (MPS) ug mga personahe sa Provincial Intelligence Unit (PIU).
Ang pagdakop gihimo pinasikad sa usa ka Warrant of Arrest alang sa krimen nga Consented Abduction ubos sa Article 343 sa Revised Penal Code, nga gi-docket ubos sa Criminal Case No. S-3669, nga gi-isyu ni Hon. Mundlyn Geonzon Misal-Martin, Presiding Judge, Family Court, Branch 5, Ninth Judicial Region, Sindangan, Zamboanga del Norte, pinetsahan Hulyo 24, 2025, nga adunay girekomendar nga piyansa nga 10,000.00 alang sa temporaryong kagawasan.
Ang dinakpan gidala sa Sindangan District Hospital alang sa pisikal ug medikal nga eksaminasyon ug anaa na sa kustodiya sa Sindangan.(MEDALYN U. BORJA)
Source: ZNPPO