Usa ka insedente sa disgrasya ang nahitabo sa usa ka pedestrian sa giayo nga mga taytayan sa National HighwayPiao, Sitio Pasto, Barangay Langatian, President Manuel A. Roxas, Zamboanga del Norte,nga miresulta sa pagka angol sa usa ka School Principal,mga alas 7:40 sa buntag niadtong Nobyembre 3,2025.
Ang insidente naglambigit sa usa ka Suzuki Gixxer 150 (itom) nga motorsiklo nga gimaneho sa usa ka 40-anyos nga lalaki nga residente sa Durantha II, Matunong, Gulayon, Dipolog City, ug usa ka 37-anyos nga lalaki nga pedestrian, ang school principal sa Minang Elementary School, ug residente sa Purok 4, Barangay Langatian, Roxas.
Sa inisyal nga imbestigasyon nasayran nga gikan sa Katipunan ang motorsiklo gikan sa Katipunan paingon sa Manukan dihang aksidenteng nadasmagan niini ang pedestrian nga milabang sa karsada nga naigo sa walang bahin sa iyang lawas diin tungod sa impact, natagak ang drayber ug ang pedestrian sa semento nga dalan.
Tungod niini, ang drayber sa motorsiklo nakaangkon og mga garas ug bun-og, samtang ang pedestrian nakaangkon og dakong samad sa ulo ug daling gitambalan sa Roxas Rural Health Unit ang drayber, samtang ang pedestrian daling gidala sa ACE Doctors Hospital ning dakbayan sa Dipolog alang sa dinalian nga pagpatambal.
Ang nalambigit nga motorsiklo ug ang drayber niini anaa na sa kustodiya sa Roxas Municipal Police Station alang sa tukmang disposasyon ug dugang imbestigasyon.(MEDALYN U.BORJA)
Source: ZNPPO