Balhog karon sa prisohan ang usa ka 28 anyos nga lalaki homan masikop sa mga operatiba atol sa gipahigayon nga intelligence-driven operation didto sa Barangay, Balacbaan Tampilisan, Zamboanga del Norte, mga alas 10:40 ang takna sa buntag,Nobyembre 3,2025.
Naila ang dinakpan nga si alyas “Mus” 28 anyos, lalaki, ulitawo, mag-uuma, ug residente sa nasangpit nga Barangay kinsa gidakop pinaagi sa Tampilisan Municipal Police Station (MPS) kauban ang mga elemento sa 2nd Zamboanga del Norte Provincial Mobile Force Company (ZNPMCC) ug 97th Infantry Battalion, Philippine Army.
Ang pagdakop gihimo sa bisa sa warrant of Arrest alang sa kasong Serious Physical Injuries ubos sa Article 263 sa Criminal Code, ubos sa Revised Penal Code. No. 3392 nga giisyu ni Hon. Kathia C. Adasa-Santiago, Presiding Judge sa 7th Municipal Circuit Trial Court, Liloy-Tampilisan, 9th Judicial Region, Liloy, Zamboanga del Norte, pinetsahan og Oktubre 27, 2025, nga adunay girekomendar nga piyansa nga P6,000 alang sa temporaryong kagawasan.
Ang dinakpan gipahibalo sa iyang mga katungod sa konstitusyon, lakip ang Miranda ug Anti-Torture Warnings, sa usa ka diyalekto nga hingpit niyang nasabtan ug ana-a na kini karon sa kustodiya sa Tampilisan MPS alang sa saktong disposisyon ug pag-file sa tukmang dokumentasyon.(MEDALYN U. BORJA)
Source: ZNPPO