Arestado sa gikasa nga joint intelligence-driven operation sa mga operatiba ang Top 10 Most Wanted Person (Municipal Level), didto sa Barangay Talinga, Sindangan, Zamboanga del Norte, mga ala 1:00 ang takna sa hapon Oktubre 2,2025.
Ang dinakpan nga wanted person naila nga si alyas “Delo”, 42 anyos, biyudo, construction worker, ug residente sa Sitio Barile, Barangay Talinga, Sindangan, Zamboanga del Norte kinsa gidakop pinasikad sa Warrant of Arrest sa krimen nga Acts of Lasciviousness nga giisyu ni Hon. Mundlyn Geonzon Misal-Martin, Presiding Judge sa RTC-Family Court, 9th Judicial Region, Branch 05, Sindangan, pinetsahan Hulyo 24, 2025, nga adunay girekomendar nga piyansa nga Php12,000.00 alang sa temporaryong kagawasan.
Ang suspek gidala sa Sindangan District Hospital alang sa physical ug medical examination ug gi-turn over sa Sindangan MPS alang sa tukmang disposasyon.(Medalyn U. Borja)
Source: ZNPPO