Siyam (9) ka mga Micro, Small, and Medium Enterprises (MSMEs) sa Zamboanga del Norte ang malampusong nakahuman ug nakahimo sa ilang kaugalingong Business Continuity Plans (BCPs) atol sa Business Continuity Management ug BCP Training-Workshop nga gipahigayon sa Department of Trade and Industry (DTI) – Zamboanga del Norte Provincial Office pinaagi sa hybrid setup, kaniadtong Oktubre 28, 2025.
Gipasiugda sa maong kalihokan ang kahinungdanon sa Business Continuity Plans isip yawe sa kalig-on ug pagpadayon sa operasyon sa negosyo, ilabi na panahon sa kalamidad, krisis, o mga kalit nga kalisdanan.
Pinaagi sa maong training, gilauman nga mas mapangandaman ug mas lig-on na ang mga MSMEs sa pag-atubang sa bisan unsang kakulian aron magpadayon ang ilang operasyon ug kontribusyon sa lokal nga ekonomiya.(IKEN B. GULLEM)
Photo courtesy:DTI Zamboanga del Norte