Balhog karon sa prisohan homan masikop atol sa gipahigayon nga joint operation ang Top 10 Most Wanted Person (City Level) ug Top 7 Most Wanted Person (Provincial Level) nga nag atubang sa kasong paglapas sa Comprehensive Dangerous Drugs Act of 2002, niadtong Abril 1,2026 mga alas 3:45 ang takna sa hapon.
Ang dinakpan naila nga usa ka 50-anyos nga lalaki, ulitawo, habal-habal driver, ug residente sa Purok Baybay de Oro, Barangay Olingan, Dipolog City, Zamboanga del Norte.
Gidakop pinaagi sa mga sakop sa
sa Dipolog City Police Station (CPS), pinangunahan sa Chief of Police (Lead Unit), uban sa koordinasyon sa ZN PIU ug PHPT-Zamboanga del Norte,sa pagpatuman kalabot sa Focus Police Operation.
Ang pag-aresto gihimo pinasikad sa Warrant of Arrest tungod sa paglapas sa Section 11, Article II sa RA 9165, nga adunay Criminal Case No. 28680, nga gi-isyu ni Hon. Felin Revelo Legara-Comidoy, Presiding Judge sa Regional Trial Court, 9th Judicial Region, Branch 8, Dipolog City, Zamboanga del Norte, nga gipetsahan Marso 5, 2026 ug adunay girekomendar nga piyansa nga Php 200,000.00.
Ang dinakpan anaa karon sa kustodiya sa Dipolog City Police Station alang sa hustong disposisyon.(MEDALYN U. BORJA)
Source: Dipolog CPS