Malampusong nasikop sa gihimo nga operasyon sa mga operatiba gikan sa Tracker Team sa Gutalac Municipal Police Station, uban sa koordinasyon sa Anti-Kidnapping Group 9, Zamboanga del Norte Provincial Intelligence Unit, ug sa 2nd Zamboanga del Norte Provincial Mobile Force Company (2nd ZNPMFC), ang usa ka pinangita sa balaod mga alas 3:00 ang takna sa kahapunon, Hunyo 24,2025, didto sa Purok 2 Brgy. San Juan, Gutalac Zamboanga del Norte.
Ang dinakpan naila nga si Cursine Fuentes Sagang, 48 anyos, lalaki, minyo, walay trabaho, ug residente sa Barangay Mamawan, Gutalac, Zamboanga del Norte, usa ka Top 1 Most wanted person municipal level, kinsa gidakop pinasikad sa usa ka Warrant of Arrest for Incestuous Rape, nga gi-docket ubos sa Criminal Case No. L-005215, nga giisyu ni Hon. Wendy Josephine I. Alico-Famor, Presiding Judge sa Regional Trial Court, Branch 28, 9th Judicial Region, Liloy, Zamboanga del Norte, pinetsahan Hunyo 18, 2025, nga walay girekomendar nga piyansa.
Ang suspek gipahibalo sa iyang Constitutional Rights sa usa ka gidala sa Labason District Hospital alang sa medical examination ug anaa na kini karon sa kustodiya sa Gutalac Municipal Police Station alang sa tukmang disposasyon.(Medalyn U. Borja)
Source: ZNPPO