Gilusad sa Traffic Management Office (TMO) sa Dipolog City uban ang koordinasyon sa Dipolog Airport Drivers Association, ang usa ka pahibalo kabahin sa opisyal nga pletehan alang sa mga motorcab nga magbiyahe gikan sa Dipolog Airport paingon sa nagkalain-laing barangay sa siyudad.
Ipatuman alang sa MGA motorcab trip ang approved fare rate nga ₱30.00 matag pasahero, gikan sa Dipolog Airport padulong sa City Proper, Barangay Sicayab, Barangay Minaog, Barangay Sta. Isabel, ug Barangay Dicayas.
Samtang, ipatuman alang sa mga biyahe padulong sa mas layo ang barangay
ang ₱90.00 matag pasahero nga plete, kini lakip ang Barangay Turno, Barangay Gulayon, Barangay Sta. Filomena, Barangay Galas, Barangay Punta, Barangay Olingan, Barangay Sinaman, Barangay Sangkol, ug Barangay Cogon.
Gilauman ug gipahinumdoman sa TMO ang tanang pasahero nga mubayad lamang sa gitakdang plete ug likayan ang paghatag og sobra nga bayad.
Samtang, mamahimong ireklamo sa hustong buhatan ang motorcab driver nga maningil og labaw o dili awtorisadong pletehan.
Tumong sa maong lakang na mapanalipdan ang mga pasahero ug masiguro nga hapsay, ug luwas ang transportasyon sa Dipolog City.(IKEN B. GULLEM)
Source: Zamboanga del Norte Provincial News Network