Nakab-ot sa DepEd Schools Division sa Dipolog City ang back-to-back nga kalampusan human makuha pag-usab ang Outstanding Youth Formation Program Implementer Award sa 2025 VINTA Awards nga gipahigayon niadtong Enero 8, 2025 sa Pagadian City.
Ang award, nga nadawat sa Learner Formation Unit sa Dipolog Division, nag-ila sa epektibo ug lig-on nga pagpatuman sa mga programa alang sa kabatan-onan sama sa Learner Government Program, Learner Advocacy and Campaign Development Program lakip ang Barkada Kontra Droga, Youth for Environment in Schools, Peer Health Navigators Network, Batang Dipag United Program, ug Career Guidance Program.
Sumala sa DepEd Region IX, ang maong kalampusan bunga sa hiniusang paningkamot sa mga student leaders, magtutudlo, guidance counselors, school heads, ug mga kauban sa pribado ug publikong sektor, nga nagpadayon sa pagpalig-on sa youth formation ug liderato sa Dipolog City.(JENIFFER JR. DELICA)
Source: DepED Dipolog Youth Learner Formation Unit