Misalmot ang mga opisyal sa local government units (LGUs) nga gipangulohan sa mga mayor sa 3rd District sa Zamboanga del Norte sa usa ka benchmarking tour sa Agbeam Farms Inc. sa Tagaytay ug Nasugbu, Batangas, nga gi-host sa founder ug presidente sa kompanya nga si Luis Macalincag.
Kabahin kini sa dugay nang panan-awon ni #YourWorkingRep Cong. Ian Amatong nga ipaila ang dragon fruit farming sa 3rd District, subay sa padayong paningkamot sa pag-establisar og special economic zone sa maong lugar.
Tumong sa inisyatiba nga hatagan og bag-ong kahigayunan ang mga mag-uuma pinaagi sa modernong pamaagi sa pagpananom, pagtaas sa ani, ug pagpasiugda sa malungtarong ug high-value nga agrikultura.
Sumala kang Presidente Macalincag, adunay 1.5-ektaryang demo farm ang Agbeam Farms sa Tagaytay nga adunay kapin sa 1,500 ka poste. Aduna usab silay 80-ektaryang dako nga umahan sa Nasugbu, Batangas, nga gibahin sa mga cluster nga 10–15 ka ektarya matag usa ug naglangkob sa duha ka barangay.
Pinaagi sa estratehikong panag-partner ug pagpaambit sa kahibalo, padayon ang Team A sa pagduso og bag-ong, inklusibo, ug andam-sa-kaugmaon nga mga solusyon sa agrikultura, aron masiguro nga ang kalamboan ug progreso tinuod nga makaabot sa katawhan sa grassroots level.(IKEN B. GULLEM)
Source: Team Adrian Amatong