Malampusong napahigayon sa dakbayan sa Dapitan ang 3rd Quarter Meeting sa City Peace and Order Council (CPOC), didto sa Ampitheater sa Dapitan City Government Center, niadtong nakalabay’ng adlaw Setyembre 15, 2025.
Gipangunahan ang nasangpit nga Meeting, pinaagi ni Mayor Evelyn T. Uy, isip Chairperson sa City Peace and Order Council (CPOC), katimbang niini si Danilo S. Areños Jr, ang City Administrator sa dakbayan, diin kini gitambungan usab, sa nagkadaiyang mga Government Agencies, ug mga Law Enforcement Unit, maingon ang Armadong kusog sa nasangpit nga dakbayan, diiin gipasabot ug gi-presentar ni Administrator Areños Jr. ang key agenda ning tuig 2025, nga mao ang Peace and Order and Public Safety (POPS) Plan.
Tungod niini, mipalanog sa iyang mensahe ang Mayor sa nasangpit nga Syudad, ug nagpasalamat, sa aktibong suporta sa konsiho, ug sa mga kapartner Agencies niini, sa ilang gibuhat nga kampanya alang sa Proteksiyon sa Komunidad, ilabina alang sa mga kabatan-onan, tungod sa hulga sa iligal nga Drogas, ug sa mga nagkadaiyang kalihokan nga supak sa balaod.
Lakip usab nga gihatagan og pagtagad sa maong panagkatigom, ang ilang buhaton nga Estriktong pagpatuman sa Balaod sa Trapiko, ug ang Implementasyon sa mga Ordenansa, partikular mente, niadtong mga nagmaneho og mga motor siklo, maingon man sa mga Pampublikong Transportasyon, diin ipatuman na niini, ang pagdili kanila, nga magsuot og Tsenilas samtang namasahiro sulod dakbayan sa Dapitan.
Dugang pa nga pahayag ni Mayor Uy, iyang gipasalamatan ang tanan nga walay hunong nga mi-suporta, sa maong programa, diin ang pinaka tinguha niini, mao ang kaayuhan ug seguridad sa Publiko.(Julius Esmade)
Source: CITY GOVERNMENT OF DAPITAN