Gipangunayan mismo ni Mayor Evelyn T. Uy, ang pag-tunol sa Tag-Php5,000.00, matag usa, ngadto sa 45 ka mga Presidente sa PWD Association, sa mga kabarangayan nga sakop sa dakbayan sa Dapitan, isip Honorarium niini, ug Financial Assistance, tungod sa ilang pagpanguna sa mga Person With Disability sa matag Barangay nga ilang nahimutangan, diin kini didto gipahigayon sa buhatan mismo sa Mayor, nga atua nahimotang sa Dapitan City Government Center, niadtong nakalabay’ng adlaw, Setyembre 15, 2025.
Tungod sa maong Financial Assistance, nagpasalamat og dako ang mga pangulo sa PWD, nga matud pa, ang maong tabang ilang gi-isip nga usa ka pagpamatuod sa insaktong pagtagad sa lokal nga pangagamhanan, alang sa mga tawo nga adunay diperinsya sa ilang kaugalingon. Dugang pa niini, nga ang nasangpit nga inisyatibo nagpasabot sa sinsero nga pagpaningkamot sa ilang Mayor, alang sa kaayohan sa mga PWD isip bahin sa iyang mas lapad nga panan-aw aron masiguro niini, nga walay Dapitanon ang mahabilin sa pag-uswag sa nasangpit nga Siyudad.
Dugang pa niini, nga ang nahisgutang Programa, nagmalampuson tungod sa pagpakigtambayayong sa mga personahe sa City Social Welfare And Development Office (CSWDO) sa dakbayan sa Dapitan, diin daghanan ng nagkadaiyang mga Programa, nga napuslan sa mga Dapitanon, nga ilang napahigayon alang sa mga katawhan sa nasangpit nga dakbayan.(Julius Esmade)
Source: CITY GOVERNMENT OF DAPITAN