Hugtanong gipatuman ngadto sa mga personahe sa Bureau of Fire Protection sa Dapitan City Fire Station, ang Disiplina ug ang Insaktong pagsuot og Uniporme, diin ang nasangpit nga Inspection, didto gipahigayon sa mismo sa ilang buhatan, nga atua nahimotang sa Sunset Boulevard, sa Barangay Dawo, sa dakbayan sa Dapitan, niadtong nakalabay’ng adlaw, Setyembre 15, 2025.
Ang nasangpit ng aktibidad nagdala sa Tema nga “Bihis, Ayos at Ugaling Bumbero Program” diin kini regular nga napatuman, pinaagi sa pagpanguna, ni Fsinsp. Aprilyn B. Barbaso, ang Acting City Fire Marshal sa dakbayan sa Dapitan, aron matud pa, magpabilin ang disiplina sa mga personahe nga iyang gipangunahan, diin sila komitado sa ilang tulubagon ngadto sa Publiko, sa paghatag og Seguridad, lakip na niini ang ilang mga Mehoras.
Nasayran, nga ang mga personahe sa Bureau of Fire Protection sa Dapitan, aktibong nagamonitor sa mga panghitabo ning atong Probinsiya, ilabina, sa mga lugar nga sakop sa Area of Responsibility (AOR), nga matud pa, nga bisan unsang matang sa insidente, atua sila aron sa pagresponde niini.
Dugang pa nga pahayag nga giluwatan sa BFP Dapitan, nga ang kasagaran nga mga insidente nga ilang na respondehan, mao ang mga disgrasya sa kadalanan, pinaagi sa mga tawag sa ilang Hotline number’s, diin ang nasangpit nga mga Phone Call’s, gikan sa nagkadaiyang mga Concern Citizen’s.(Julius Esmade)
Source: DAPITAN CITY FIRE STATION