Gipangunahan sa Provincial team sa Department of Agrarian Reform (DAR) ang mas lig-on nga mga pamaagi sa pagpatuman sa ARBEMCO pinaagi sa aktibong partisipasyon sa Technical Working Group atol sa komperensya nga nagtuki sa parcelization updates ug development initiatives ubos sa Project SPLIT nga gipahigayon didto sa Ipil, Zamboanga Sibugay.
Ang maong kalihokan gipangunahan ni PARPO II Daisy Dell Suan Digamon, kauban si PARPO I Engr. Alfonso A. Tan, CARPO Teodolo Yanoyan Jr., ug Chief Legal Officer Atty. Leo Santiago Briones, gitumong sa pagrepaso sa kasamtangang kahimtangan sa pagbahinbahin sa mga yutang sakop sa agrarian reform ug sa pagpaayo sa implementasyon sa Project SPLIT.
Atol sa komperensya, gitimbang-timbang ang progreso sa parcelization ug giila ang mga lakang aron mas mapadali ang proseso sa dokumentasyon ug masulbad ang naglungtad nga mga legal nga babag. Tumong niini nga masiguro nga ang mga benepisyaryo sa agrarian reform makadawat sa ilang indibidwal nga titulo sa yuta sa patas, hapsay, ug episyenteng paagi.(IKEN B. GULLEM)
Source: DAR Zambonorte