ZAMBOANGA DEL NORTE — Malampusong nahuman ug opisyal nang giturn-over ang duha (2) ka Level III Water Supply System projects ubos sa Local Government Support Fund – Support and Assistance Fund for Participatory Budgeting (LGSF-SAFPB) FY 2024, nga nagpalig-on sa access sa limpyo, kasaligan, ug sustenableng suplay sa tubig sa probinsya.
Lakip sa mga naka benepisyo mao ang barangay Bunawan sa Godod nga adunay suplay nga nagkantidad og
₱13,333,334.00, ug Barangay Delusom og Poblacion sa Leon B. Postigo nga nagkantidad usab og ₱13,333,334.00.
Ang mga proyekto nagpasabot og lig-on nga panagtinabangay tali sa national ug local government units sa paghatag og batakang imprastraktura nga makapauswag sa panglawas sa katawhan, magpalambo sa inclusive development, ug mopataas sa kalidad sa kinabuhi sa komunidad.
Pinaagi sa maong inisyatiba, mas daghang panimalay ang makabaton og direkta ug luwas nga suplay sa tubig — usa ka dakong lakang padulong sa mas himsog ug mas progresibong Zamboanga del Norte.(JENIFFER JR. DELICA)
Source: DILG Zamboanga del Norte