Nag-apod og food packs ug mipaabot og mga pulong sa pagdasig ang Team A ngadto sa mga pasyente sa Liloy Integrated Health District Hospital ug Labason District Hospital isip kabahin sa ilang inisyatiba sa paghatag og kahupayan ug paglaum sa mga nanginahanglan.
Kauban sa maong kalihokan ang mga miyembro sa Rotary Club of Liloy, Labason Mayor Jed Quimbo, Sangguniang Bayan Member Mikay Uy, ABC President Liz Josue, mga SK Chairperson, ug mga opisyal nga kandidata sa Binibining Liloy 2026 nga nagtinabangay sa pag-apod sa mga food packs ngadto sa mga pasyente.
Gipasalamatan sa Team A ang tanang mga indibidwal ug organisasyon nga mitampo sa ilang panahon, suporta ug kalooy aron malamposon nga mapahigayon ang maong inisyatiba alang sa mga pasyente sa duha ka tambalanan.
Sumala sa Team A, magpadayon ang ilang paningkamot sa pagpatuman og mga programa nga nagpalig-on sa espiritu sa pagtinabangay ug pagserbisyo alang sa katawhan sa Ikatulong Distrito sa Zamboanga del Norte.(JENIFFER JR. DELICA)
Source: Team Adrian Amatong