Mipartisipar ang Philippine Statistics Authority (PSA) Region IX sa Task Force Training on the Subnational Economic Accounts System (SEAS) for Field Operations nga gipahigayon sa PSA Headquarters, diin miapil ang mga focal persons alang sa Provincial Product Accounts (PPA), kaniadtong Pebrero 9.
Tumong sa training ang paghatag og komprehensibong pagsabot sa Provincial Product Accounts ug Subnational Economic Accounts System, lakip ang katuyoan, sakop, ug papel niini sa pag-andam sa national accounts sa nasud.
Lakip sa kalihokan ang mga hands-on ug guided exercises sa paggamit sa mga module sa SEAS aron mapalig-on ang kahibalo sa mga partisipante, masuta ang performance ug functionality sa sistema, ug mailhan ang mga isyu ug hagit nga masugatan sa field operations.
Sumala sa PSA, ang maong pagbansay makatabang sa pagpalambo sa system usability ug user experience, ug sa pagpaayo sa kalidad ug kahusayan sa subnational economic data sa rehiyon.(IKEN B. GULLEM)
Source: PSA Region IX Zamboanga Peninsula