Nagpatuman og focused agricultural orientation ang RCSP Team sa Zamboanga del Norte 2nd Provincial Mobile Force Company (PMFC) alang sa Cympil Situbo Alsa Masa Farmer’s Association, nga nagtumong sa pag-andam sa komunidad alang sa gitumong Lakatan banana plantation, kaniadtong Pebrero 10, 2026.
Sa koordinasyon sa TESDA ug sa Barangay Situbo LGU, gipaila sa mga mag-uuma ang lain-laing organic concoctions nga gamiton isip abono, uban ang aktuwal nga demonstrasyon sa land preparation, seedling bed establishment, ug paghimo sa carbonized rice hull.
Gipangulohan ang kalihokan ni RCSP Focal Person Pat Ahmad-Khan Macam ubos sa pagdumala ni PLTCOL Edwin D. Verzon, ug gisuportahan sa teknikal nga giya sa TESDA specialists nga sila Mrs. Joelit P. Dinapo ug Ms. Jonalyn S. Villalon.
Sumala sa 2nd PMFC, ang inisyatiba nagpalig-on sa kooperasyon tali sa mga ahensya ug komunidad samtang nagasuporta sa malungtarong panguma, panginabuhian, ug kalinaw sa lugar.(IKEN B. GULLEM)
Source: Zamboanga del Norte 2nd PMFC