Opisyal nga gilunsad sa City Social Welfare and Development Office (CSWDO) ang 2026 Child Sexual Abuse Awareness Week (CSAAW) atol sa flag-raising ceremony sa City Government Grounds, isip kabahin sa ika-30 ka National Awareness Week for the Prevention of Child Sexual Abuse and Exploitation.
Ang kalihokan, subay sa Presidential Proclamation No. 731, nagtumong sa pagpataas sa kahibalo sa publiko bahin sa pagpugong sa tanang porma sa child sexual abuse ug exploitation. Ubos sa temang “Ako, Ikaw, Tayo: Nagkakaisa Laban sa Child Sexual Abuse!”
Gipasiugda sa kampanya ang pagpanalipod sa mga kabataan batok sa Online Sexual Abuse and Exploitation of Children (OSAEC) ug Child Sexual Abuse or Exploitation Materials (CSAEM), ug gipahinumdoman nga ang digital safety usa ka tinambayayong nga responsibilidad.
Gipamatud-an pag usab sa LGU Dapitan ang komitment niini sa pagpasiugda sa usa ka child-safe ug responsable nga digital nga palibot, samtang nanawagan sa komunidad nga motampo pinaagi sa pagreport sa pang-abuso ug pagpanalipod sa katungod sa matag bata.(IKEN B. GULLEM)
Source: City Government of Dapitan