Ipaubos sa mandatory drug testing ang tanang empleyado sa Provincial Government karong tuiga.
Kini ang gipahibalo ni Provincial Administrator Mr. Wilbert “Jojo” Magallanes atol sa flag-raising ceremony nga gipahigayon buntag, Enero 8, 2024
Matod ni G. Magallanes, ang Executive Order nagpaabot na lang sa pagpatuman niini,
Ang pagpahigayon sa drug-testing sa tanang empleyado sa kaulohan, subay usab sa direktiba sa Civil Service Commission (CSC) nga ipaubos sa mandatory drug test ang tanang kawani sa gobyerno.
Gikompirmar ni Mr. Magallanes, nga adunay mga regular nga empleyado sa kapitolyo, ingon man mga Job Order employees ang nalambigit sa pagpamaligya og drugas, base usab sa listahan nga iyang nakuha gikan sa Philippine Drug Enforcement Agency nga nagbase dinhi sa Zamboanga del Norte.
Dugang pa ni G. Magallanes nga ang libreng drug test ipahigayon sa Zamboanga del Norte Medical Center uban sa suporta sa PDEA.
Hinuon, iyang giklaro nga ang mosunod nga drug test sa mga PDEA-listed personnel, ipahigayon sa random nga paagi.
Sa higayon nga mapamatud-an sa confirmatory test nga ang empleyado nagpabiling positibo sa pag-abuso sa droga, tangtangon sila sa serbisyo.
(Source: Provincial Government of Zamboanga del Norte Facebook page)